Gida honek hausnarketa- eta ikaskuntza-prozesu kolektibo bat sortzera bideratutako zenbait jarduera praktiko biltzen ditu, osasunerako eskubideari eta haren mugatzaileei buruzko pentsamendu kritikoa sustatuz, bai eta osasun-arloan biztanlerian gertatzen diren desberdintasunei buruzkoa ere.
Hasteko, osasuna eta osasunerako eskubidea definituko ditugu. Zer da guretzat? Zer elementuk osatzen dute? Zein garrantzitsua da gure bizitzan osasunerako sarbide ona izatea? Pixkanaka-pixkanaka, eta parte-hartzaile guztien artean, osasuna ikuspegi bio-psiko-sozialetik identifikatuko dugu, eta osasunerako eskubideari eta oinarrizko beste giza eskubide batzuei lotuko diegu.
Osasunaren Maparen bidez, gure ingurunean gure osasuna zehazten duten elementuak identifikatuko ditugu. Gure auzoak, bizimoduak, lan-baldintzak, gizarte-harremanak aztertuz, osasunaren gizarte-baldintzatzaileetan sakonduko dugu, eta ohartuko gara horietako batzuk egintzat ematen ditugula gure gizarteetan, eta horietako beste batez gozatu ahal izatea gure ingurunean eta munduan desberdintasun-sortzaile handi bihurtzen direla.
Desberdintasun horietan sakontzen jarraituko dugu Urrats bat Aurrera jolasaren bidez. Bertan, askotariko profilen bidez, pertsonak jaio, bizi eta garatzeko baldintzek osasunaz gozatzea nola erabakitzen duten aztertu ahal izango dugu, eta baldintza horiek, kasu askotan, desberdintasun bidegabeak eta saihestezinak direla, nabarmenduko dugu. Rol-joko polit baten bidez, pertsonai ezberdinen azalean jarriko gara, mundu osoko errealitateetara hurbiltzen saiatzeko.
Jolasarekin amaitzeko, pentsatu al duzu inoiz generoa edo aniztasuna bezalako elementuek desberdintasunik sortzen duten? Nor da nor jokoaren bidez, elementu horietan sakondu ahal izango dugu desberdintasun-ardatz gisa, bai eta elementu horiek analisian sartzearen garrantzian ere, mundu osoko pertsonen osasunerako sarbidea aztertzen dugunean.